رثاء الشيخ يحيى ابو طلايب

الناس تصرخ من فزع وامصيباه

يوم الاحد طاحت جبال(ن) رسيه

حتى النهار اظلم من الحزن يغشاه

وتساقطت كل النجوم  العليه

الكون متغير مساره ومجراه

واسمع صياح الناس حولي  دويه

الزاد كنه سم بايديه احساه

احس في صدري لهايب  لظيه

الشيخ يحيى مات يا ناس  ويلاه

من موت سد(ن) يحمي  المرجليه

مات الوفي راعي الشرف عالي  الجاه

مات الشهم راعي الكرم  والحميه

كان الاسد وقت الخطر والملاقاه

وايده على المحتاج دايم  حنيه

الطيب والمعروف للخلق تنعاه

عند العرب والعجم له  مقدريه

حافظ لدينه في مقامه وممشاه

في طاعة الرحمن نفسه قويه

صاح الحجر والصخر باسمه  وناداه

وين الشجاع اللي كفوفه  نديه

يا ديرة الشبان نوحي  لفقداه

شيخ(ن) حكيم وراعي المنخويه

جوّاد يعطي ما قبض يوم يمناه

نفسه عزيزه بالمكارم غنيه

شيخ(ن) تجيه الناس من هم  تنصاه

يحكم بعدل ويردع اهل الخطيه

واليوم مدري كيف نحيا بلياه

من بعد ابو عزام دربي  عنيه

ماله في الدنيا مثيل(ن) ولا  اشباه

ما عاد نلقى في المخاليق زيه

حسبي على من كان سبه لفرقاه

نفسه ضعيفه والفعايل  رديه

في قصر ابو متعب عسى الله يرعاه

حضر يقدم له سلام وتحيه

غدر به الخاين وجا من مقفاه

لو قابله بالوجه ذاق  المنيه

ذكره سكن في الروح ما احد(ن)بينساه

يجري بجسمي مع مجاري دميه

نظمي لشعر(ن) ما بيحصي  سجاياه

احتاج موسوعه لضم  السجيه

يا رب هون عالقلوب  المعناه

تبكي فراقه في صباح وعشيه

يحيى رحل باقي في القلب ذكراه

ذكرى بتبقى دايم الدوم  حيه

في جنة الفردوس يا رب نلقاه

في نعمت(ن) جمه وعيشه هنيه