معاناة خريّج

بديت باسمك يالذي ترزق الطير

يا اللي تشوف الحال وتروف بيه

جار الزمان وشطر القلب تشطير

وليل الحزن ياناس طوق عليه

واشوف جيش الهم عالجسم بيغير

مقدر على صد الجيوش القويه

الناس تسأل ليه عاطل عسى خير

قلت الشهاده يالعرب جامعيه

وين الوزارة كثرت في التبارير

الصبر طال ولا بقى له بقيه

مدري وزارتنا بليا تدابير

والا في اعماق العرب سوء نيه

نصيح باعلى صوت واصواتنا تسير

مثل الرعد في الكون لاطلق دويه

لكن ما لاصواتنا اي تعبير

ما فيه حل(ن) يالعرب للبلية?

وزيرنا مهلوك من هالمشاوير

يرحل ويترك للذياب الرعيه

والا وكيله منشغل بالتفاكير

عساه يتحفنا بفكره سويه

أعمارنا راحت ولا فيه تغيير

واوضاعنا يا ناس صارت رديه

مدري نهاجر مثل ذيك العصافير

والا نتكي ننتظر للمنيه

اوضاع شينه ما لها أي تفسير

الا تهاون من الوزير وخويه

يالله حررنا من الظلم تحرير

ويسر لنا يارب عيشه هنيه