رسالة شاعر

ألا يا شعر أنا لازم زمامك

وانا بركب بحورك لو تهوجي

ألمّع صورتك وارفع مقامك

ولا اجيب إلا منقي الهروجي

أنا ياشعر اشوف البعض ضامك

يجيب الفاظ ملتوية وعوجي

وانا يا شعر شعري لاحترامك

اجيبه جزل ترقى به سروجي

وشعري يالشعر فيه احتشامك

عن المحظور وافعال(ن)تموجي

أنا بابْدِع وانا باجيد نظمك

وادور للعطر بين المروجي

ألا ياشاعر اشعارك وسامك

وللاشعار مدخال وخروجي

ألا يا مفتخر فخرك بقومك

بعد فخرك بدين(ن) لك يروجي

ولا تهجي خوانك أو عمامك

وخل هجاك لاقوام العلوجي

وخلك في الغزل عذري كلامك

وللاخدار لاتغدي ولوجي

ولاتمدح لأن المال همك

وخلك بالصدق دايم لهوجي

وخل رثاك يحكي عن كلومك

والاحزان الي في قلبك تدوجي

على بعض الشعر ناس(ن) تلومك

وبعضه يرفعك باعلى البروجي

قصيد(ن) ينتشر يعلن عن اسمك

وشعر(ن) يندفن بين الدروجي

ألا يالله عبدك تحت حكمك

بدرب الحق يسر لي نهوجي

الفوز العظيم

جور الزمن يا صاحبـي لا  تهابـه

كل(ن) بياخذ مـا كتـب فـي كتابـه

ليش الزعل والضيق واصـل حـده

كـأن فـي صـدرك تقـوم  حرابـه

با عطيك حل(ن) عاجل(ن) لاوجاعك

باعلمـك بالحـل وانــت ادرابــه

في حـزة الاسحـار ترفـع  كفـك

تسـأل كريـم(ن) مـا يقفـل بـابـه

ادعـه وخلـك صـادق(ن) فالنيـه

ينجيك مـن هـم(ن) غـرز مخلابـه

غريب حـال النـاس فـي هالدنيـا

دنـيـا دنـيـة والبـشـر طـلابـه

تجـري وراهـا علـهـا تلحقـهـا

كـل(ن) شهـر سيفـه وحـدّ انيابـه

احد(ن) تجيه وترتمي فـي حضنـه

واحد(ن) لحقهـا بعـد نهـش ذيابـه

واحد(ن)يجيها مـن يسـار  ويمنـه

ضاعـت جهـوده ثـم بـاع  ثيابـه

يا صاحبي خلك مع اهـل  التقـوى

خلك مـع اللـي  صافي(ن)مشرابـه

احذر مـن اهـل الشـر لا تتبعهـا

حذراك من طيـر الـردى واسرابـه

خلـك قنـوع وخاطـرك لا يكـدر

من هرج نـاس(ن) للخطـا  حسّابـه

احفظ لسانـك مـن كـلام  يدينـك

يـوم القيامـة حسـرتـك باسبـابـه

لا تنطـق الا بالـكـلام المثـمـر

كلْمتـك يـا صاحـب لهـا كتّـابـه

يالله عفـوك يـو حشـر عـبـادك

يوم ان كـل(ن) محتصـي  بزهابـه

واللـي زهابـه قــل لا يتـعـذر

والا يــدور صحبـتـه واقـرابـه

كل(ن) يروعه هـول ذاك المنظـر

حتـى تبـرى مـن جميـع  احبابـه

هـذاك يـوم الفـوز والا الحسـرة

العبـد يعـرف منـزلـه وحسـابـه

الخاسر اللـي مـا رجـح ميزانـه

اردتـه نفـس(ن) للخطـا  كسّـابـه

النـار داره والنـدم مــا يفـيـده

يسحب بـذل وفاللظـى يرمـى  بـه

الرابح اللـي منزلـه فـي  الجنـه

اللـي عـرف ربـه وخـاف عقابـه

هذا هـو الفـوز العظيـم  الأكبـر

فوز(ن) عظيم ويـا هِنَـيّ  اصحابـه

فخر بقبيلة بني مالك

شعـري بـه البيـد والأشجـار تتغنـى

أجمع حروف الشعـر واعـرف مبانيهـا

قصايـدي تِسمـع الانـسـان و الجـنـا

تلـبـس ثـيـاب الفـخـر والـعـز كاسيـهـا

ربعي هل السيف وأهل الكيف والبنا

أفعـالـنـا شـامـخـة مـحــد(ن) يجاريـهـا

كسابـة المجـد مـا تحصـى محامـدنـا

فـــي مـاضــي ازمـانـنـا والا توالـيـهـا

سبـحـان معـلـي مكانـتـنـا ومنـزلـنـا

المـالـكـي يـاصــل الـجــوزا ويطمـيـهـا

بافعالـنـا فــوق كــف الدهروسّـمـنـا

أقـدامـنــا فــخــر لـلـدنـيـا مـواطـيـهــا

ياللي تعـدى علـى مهلـك تـرى حنّـا

شمس(ن) على الخلق من يقدر يطفيها

بالروح دون ارضنا والعرض عربنّا

نشرب مـن المـوت والعـدوان نخزيهـا

فـيـنـا كـرامــة لـغـيـر الله مـــا لـنّــا

مثـل السيـوف البـوارع مـن يصاليـهـا

سلومـنـا ثابـتـه مـحــد(ن) يغـيـرنـا

يـوم إن بعـض العـرب تتـرك مباديـهـا

حـنـا بـنـي مـالـك العـربـان تعرفـنـا

نحضـر مـع النـاس ناخـذهـا ونعطيـهـا

كبيـرنـا ينـقـل المـيـراث لاصـغـرنـا

فينـا عـروق(ن) تسيـر المرجلـه فيـهـا

حنـا هـل الجـود والمعـروف لا زلنـا

وكفوفـنـا مـثـل غـيـم الـنـاس ترجيـهـا

فوق المدايح وفـوق الشعـر موقعنـا

حــنــا مـشـاعـيـل لـلـدنـيـا نـضّـويـهـا

الشعـر يفخـر ويعجـز فـي مدايحـنـا

حــنــا عـطـيـنـا لـهـالـدنـيـا معـانـيـهـا